Konküleluam feytachi zugu ñi zoy kimgeam ti itxofillke mapuche ñi az-mogen, tati txokiñche az-mogenke che mülelu tufachi küñel mapu mew wültutukufi ti Minicipalidad kallfürügi mew mari epu wara, tañi zoy newenpeñmageam ti witxampüramtun mapuzugun yenegelu feichi komuna mu, fey tañi chew tañi fanentunegelu mapuzugun. Ka müley tañi feipigeal fey tüfachi küpalechi epu mari konchi kunio küyen kimelgealu ñi kimnegeam ñi mülen tüfachi zugu.

Witxampüramtun mapuzugun

Femechi femlu ta zugu tati wunelelu ti Kallfürügi  Fernando Huaiquil feypi “tüfachi kellu mu, zoy küme pepi amulneayiñ taiñ zugu, kiñechimuam zew feypikefulu inchiñ. Tüfachi kellun, ka tüfachi norümkan rume fanen zugugey taiñ pepi zoy küme amulneal ti witxampüramtun mapuzugun. Kake txokiñtuke che ka kelluntukupaelimu ka kümeafuy femechimu zoy newentuleaiñ taiñ küme amulneafiel tüfachi fanentun zugu taiñ komuna mew”.

Ka fey ka ti wünelelu ti txokiñche az-mogenke che Pedro Mariman, feypi “felyllemay tüfachi komnua fey chew tañi wünelumu ta fanentugekelu ta mapuzugun, feymulle ta inchiñ ayiyiñ taiñ newentukual ka kelluntukual tüfachi üytun zugu tüfachi küñel mapu mew. Fanenpegeal küñe zugun ka petu üllamnegekelu kuifitu mew fey küzawgey, feyta müli taiñ txekaleal ka feytachi norümkan zugu mu wülayiñ mari epu wara , feyta kelluntukuy ka amulnieafi ka femechimu ta pepi zoy müleay azümüwün, ka zoy kimgeay, konay ti mapuzugun püchike chillka mu, ka küñeketu üytunmu zugu”.

“Tüfachi newentumeken konküley tüfachi Küñel mapu ñi femeken chew ta mülealu ramtuwün zugu chew tañi fanenpegetuam ta mapuzugun tüfachi küñel mapu mew, fey ta iñchiñ kelluntukuleyiñ rekülnefiyiñ tañi chumechi ñi amulgeafel feyti ramtuwün zugu, tañi küme entugeafum, kom feyentugeafel ti chempilen ti OIT ñi norümka 169”, feypi ti wünelelu ti CNCA mew.

Ka feypi ti Mariman “Tüfachi echeltukan femgey tañi mülenmu ti püchike txokiñche mapukeche ti txokiñche az-mogenke che mew, chew tañi zew tuku zugukunuken ti ramtuwünke txawün mew mülekelu ti zewmageam ti we fütxa txokiñche itxokomtu az-mogenke che, fey fantepu petu tukulpagey ti txokiñche legislativo mew”

Tüfachi norümka zugu pepilay ti amulgeal fillke txawün, ti wülkimüngealu ti pu kimelkelu mapuzugun ka ti pu günenekelu ti kimelün mapuzugun, zewmageal ti chillka kimelam mapuzugun, entugeyeam txawün, kimelgeam mapuzugun kom ti pu che mülelu waria mew ka lelfün mew, ka ti pu küzawkülelu ti municipalidad mew, ka ti zoy kimnegetuam ti mapuzugun kom ti komuna mew.